Court grant Emefiele bail to di tune of N20m

Federal High Court for Ikoyi, Lagos don grant di suspended Govnor of di Central Bank of Nigeria, CBN, Godwin Emefiele bail to di tune of N20m with one surety in like sum.

Justice Nicholas Oweibo grant am bail afta listening to di submissions of Emefiele counsel, Joseph Daudu (SAN).

Di judge reject federal goment claim say Emefiele na flight risk. E rule say goment fail to provide any fact to support im claim.

Emefiele bin plead not guilty to di two-count charge of illegal possession of firearm and ammunition wey goment file against am.