Uefa Champions League: Lukaku, Frank, Frenkie de Jong dey missing as Inter play Barcelona

Di Uefa champions league don return afta di international break for Europe.

Dis week go see match day three games across di eight groups on Tuesday and Wednesday evening.

Di top match for Tuesday na Inter Milan vs Barcelona, while Wednesday go see Chelsea vs AC Milan.

Uefa Champions League fixtures (Match day 3)

Tuesday, 4 October

Group A: Ajax v Napoli, Liverpool v Rangers

Group B: Club Bruges v Atletico Madrid

FC Porto v Bayer Leverkusen

Group C: Bayern Munich v Viktoria Plzen (17:45 BST)

Inter Milan v Barcelona

Group D: Marseille v Sporting Lisbon (17:45 BST)

Eintracht Frankfurt v Tottenham

Wednesday, 5 October

Group E: FC Red Bull Salzburg v Dinamo Zagreb (17:45 BST)

Chelsea v AC Milan

Group F: RB Leipzig v Celtic (17:45 BST)

Real Madrid v Shakhtar Donetsk

Group G: Manchester City v FC Copenhagen

Sevilla v Borussia Dortmund

Group H: Benfica v Paris St-Germai

Juventus v Maccabi Haifa

Inter Milan vs Barcelona preview

Inter and Barcelona go meet for dia key Champions League Group C clash on Tuesday night.

Di two teams dey go into di game wit different forms based on dia league performances.

Di two clubs dey also enta Tuesday match on three points each afta dey both lose to Bayern Munich.

Currently, Barca dey on top of di LaLiga table ahead of bitter rivals Real Madrid. While di Nerazzurri dey eighth place for di Serie A wit four wins and four defeats.

Inter Milan vs Barcelona head to head

Both teams dey play for Group C of di champions league and dem both beat Viktoria Plzen - but dem both also lost to Bayern Munich.

Di home team na Inter and di match dey hold for San Siro by 8pm (20:00GMT)

Inter Milan dey currently experience dia worst start to di Serie A for 11 years.

Di Catalan on dia part dey unbeaten in seven La Liga games till date.

Inter vs Barcelona predicted team news

Barcelona dey in form and dem go go in to di match wit dia first eleven with striker, Robert Lewandowski in front.

Oda players including, Memphis Depay, Jules Kounde, Hector Bellerin, Ronald Araujo and Frenkie de Jong go dey on di sideline. Dem no go play today game.

Romelu Lukaku no go dey available for Inter Milan as e kontinu to wait for im full fitness.

Marcelo Brozovic no go also dey available for Inter coach Simone Inzaghi.

Di defensive midfielder suffer thigh injury while on international duty for Croatia.

Read full article